Դոլարը բորսայում էժանացել է 1.3 դրամով
«ՆԱՍԴԱՔ ՕԷՄԷՔՍ ԱՐՄԵՆԻԱ» բորսայում այսօր՝ հուլիսի 21-ին, ԱՄՆ դոլարի միջին փոխարժեքը կազմել է 480.2 դրամ։ Բորսայական նախորդ նստաշրջանի համեմատ դոլարը 0.27%-ով կամ 1.3 դրամով էժանացել է։ Բորսայում վաճառվել է ընդհանուր առմամբ 3 միլիոն 100 հազար դոլար։
Կանխիկ արտարժույթի շուկայում դոլարը գնվում է միջինը 478 դրամով, վաճառվում 482 դրամով: Եվրոյի առքի միջին գինը 516 դրամ է, վաճառքինը՝ 525.5 դրամ։ Ռուսական ռուբլին գնվում է միջինը 8.29 դրամով, վաճառվում՝ 8.63 դրամով։
