Նավթի համաշխարհային գները նվազում են
Նավթի համաշխարհային գները նվազել են ԱՄՆ ԴՊՀ-ի տոկոսադրույթի բարձրացման լուրերի սպասումների ֆոնին: Brent ապրանքանիշի նավթը էժանացել է ու վաճառվում է 1 բարելը 56,60 դոլարով:
WTI նավթի ֆյուչերսներն էժանացել են 0,3%-ով՝ մինչև 1 բարելի դիմաց 49,99 դոլար՝ ապրիլից ի վեր առաջին անգամ նվազելով 50 դոլարից:
Էժանանում են նաև նիկելը, հացահատիկի ֆյուչերսները: Հումքային ապրանքների շուկան հիմա այդքան էլ գրավիչ չէ դոլարի ամրապնդման ու բազմաթիվ ապրանքների ցածր պահանջարկի ֆոնին:
ԴՊՀ-ի կողմից սեպտեմբերյան նիստին բազային տոկոսադրույթի բարձրացման հավանականությունը, ըստ Bloomberg-ի տվյալների, փորձագետների կողմից գնահատվում է 33%:
ԱՄՆ ԴՊՀ նախագահ Ջանեթ Յելենը անցած շաբաթ հաստատել էր, որ ԱՄՆ ԿԲ-ն նախկինի պես պլանավորում է այս տարի բարձրացնել բազային տոկոսադրույքը:
