Սաակաշվիլին կոչ է արել «փողկապավոր բանդիտների» վերջը տալ
Օդեսայի մարզի նահանգապետ Միխայիլ Սաակաշվիլին հայտարարել է Ուկրաինայում բանդիտների վերջը տալու անհրաժեշտության մասին, հայտնում է TASS-ը:
«Ժամանակն է, որ վերջ տանք ուկրաինական քաղաքականությունում բանդիտներին՝ ինչպես զինված, այնպես էլ փողկապավոր բանդիտների, ովքեր նստել են պատգամավորական աթոռներին»,-հայտարարել է Սաակաշվիլին:
Հիշեցնենք, որ ավելի վաղ Սաակաշվիլին մեղադրել էր գործարար Իգոր Կոլոմոյսկուն մաքսանենգության մեջ:
Նա հայտարարել էր, որ ունի փողերի լվացման ապացույցներ ու դրանք շուտով կներկայացնի հանրության դատին:
