Մերկելը հաստատել է Հունաստանի պարտքային բեռը թեթևացնելու հնարավորությունը
Գերմանիայի կանցլեր Անգելա Մերկելը հաստատել է Հունաստանի պարտքային բեռը թեթևացնելու հնարավորությունը, ընդ որում՝ նա դարձյալ բացառել է, որ եվրոգոտուց դուրս չգալու պարագայում Հունաստանի հիմնական պարտքը դուրս կգրվի, հայտնում է Bloomberg-ը:
Եվրոգոտու երկրները դիտարկում են Հունաստանի պարտքային պարտականությունների մարման ժամկետի երկարեցման հարցը, հայտարարել էր Մերկելը գերմանական ARD հեռուստաընկերության հետ զրույցում:
Նրա խոսքով՝ դա կարող է տեղի ունենալ միայն այն դեպքում, եթե վարկատուների առաջին գնահատականը ցույց տա, որ Հունաստանը իրականացնում է բարեփոխումների ծրագիրը, որը ենթադրում է բյուջետային տնտեսության խստացում ու աշխատաշուկայի փոփոխություն, նշել է կանցլերը:
«Սակայն ոչ հիմա, այլ հետո»,-ասել է նա:
Մերկելի խոսքով՝ Հունաստանի ցանկությունը՝ մնալ եվրոգոտում, բացառում է «երկրի պարտքի դասական դուրսգրումը 30-40%-ով, քանի որ խախտում է եվրոպական օրենսդրությունը»:
