Սրտի հիվանդության առաջին նշանները և անոթային պրոբլեմները նկատելի են 5 տարեկան հասակում
Մասնավորապես դա կապված է վիտամին D-ի դեֆիցիտից: Արևապաշտպան մանկական միջոցների տարածման հետ ավելի հաճախ է հանդիպում վիտամինի դեֆիցիտը, քանի որ D վիտամինը արտադրվում է արևից: Ինչ վերաբերում է սրտի հիվանդություններին, ապա այն ամբողջ աշխարհում սպանում է ավելի քան 7 մլն մարդ: Այս մասին հաղորդում է The Daily Mail-ը:
Հաճախ պրոբլեմները առաջանում են նաև խոլեստերինի մակարդակի բարձրացումից: Եվ այժմ գիտնականները գտել են կապը խոլեստերինի ցուցանիշների և վիտամին D-ի միջև` 1-5 տարեկան երեխաների մոտ: Ավելի վաղ մասնագետներն արդեն խոսել էին սրտանոթային հիվանդություններ ունեցող մեծահասակների մոտ վիտամինի դեֆիցիտի և ճարպակալման, բարձր ճնշման, ինչպես նաև շաքարային դիաբետի կապի մասին:
Նոր հետազոտությունը ամբողջովին համապատասխանեցրել է երեխաների մոտ վիտամինի մակարդակը և արյան մեջ խոլեստերինի ընդհանուր մակարդակը: Պարզվում է, որ ինչքան բարձր է վիտամինի մակարդակը, այնքան ցածր է խոլեստերինը: Հետևաբար, կարելի է արդեն վաղ հասակում, փոխելով սննդակարգը և ապրելակերպը` կանխարգելել հիվանդության զարգացումը:
Պատրաստեց Անի Գաբուզյանը
