Դե Խեան պլանավորում է «Մանչեսթեր Յունայթեդից» հեռանալ այս կամ մյուս ամառ
Մարզական պարբերականները չեն դադարում խոսել իսպանացի դարպասապահ Դավիդ Դե Խեայի հավանական տեղափոխության մասին: Լուրը լուրի հետևից, ենթադրությունը ՝ ենթադրության, սակայն պաշտոնական տեղեկատվություն այդպես էլ չկա:
Հիմա էլ Sky Sports-ը հայտնում է, որ անգլիական «Մանչեսթեր Յունայթեդի» իսպանացի դարպասապահ Դավիդ Դե Խեան մտադիր է ակումբից հեռանալ ամռանը: Բայց նա կարող է հեռանալ նաև մեկ տարուց՝ պայմանով, որ կստանա ազատ գործակալի կարգավիճակ:
Անգլիական մամուլը գրում է, որ կարմիր սատանաները չեն էլ պատրաստվում հետ կանգնեցնել դարպասապահին իր որոշումից։ Անգլիական մամուլի համաձայն փոխարինողի հիմնական թեկնածուն Ամստերդամի «Այաքսի» դարպասապահ Յասպեր Սիլեսենն է:
Դե Խեայի ծառայություններով ամենից ակտիվ հետաքրքրվում էր Մադրիդի «Ռեալը», սակայն, երբ պարզ դարձավ, որ մադրիդյան ակումբը ձեռք է բերել Կիկո Կասիլիային, այս խոսակցությունները մարեցին:
Սիրարփի Աղաբաբյան
