Վիդալը հրաժեշտ տվեց թուրինցիներին
«Յուվենթուսի» կիսապաշտպան Արթուրո Վիդալն Instagram-ի իր էջի միջոցով հրաժեշտ է տվել թուրինյան ակումբի երկրպագուներին: Վիդալը ակումբում անցկացրած տարիները համարում է իր կարիերայի լավագույնները:
«Դուք՝ երկրպագուներդ, միշտ հիանալի եք ինձ վերաբերվել: Շատ կկարոտեմ ձեզ: «Յուվենթուս», շնորհակալ եմ ամեն ինչի համար»,- գրել է չիլիացի կիսապաշտպանը սոցիալական կայքերում:
Ավելի վաղ տարածվել էր տեղեկատվություն, ըստ որի Վիդալը 35 միլիոն եվրոյի դիմաց կտեղափոխվի «Բավարիա»: 28-ամյա ֆուտբոլիստը մյունհենցիների հետ համաձայնեցրել է 4 տարվա պայմանագրի պայմանները: Ըստ պայմանավորվածության, ֆուտբոլիստի տարեկան աշխատավարձը կկազմի 6.5 միլիոն եվրո:
Սիրարփի Աղաբաբյան
