«Բարսելոնայի» 5 ֆուտբոլիստ չի մեկնի ԱՄՆ
Կատալոնական «Բարսելոնայի» պաշտոնական կայքը հրապարակել է գլխավոր մարզիչ Լուիս Էնրիկեի ներկայացրած ցուցակը, որտեղ ընդգրկված ֆուտբոլիստները թիմի հետ կմեկնեն ԱՄՆ։
Հայտացուցակում չի ընդգրկվել հինգ ֆուտբոլիստ, ովքեր մասնակցել են Ամերիկայի գավաթին: Այդ ֆուտբոլիստներն են Կլաուդիո Բրավոն, Լիոնել Մեսսին, Խավիեր Մասկերանոն, Դանի Ալվեսը, Նեյմարը:
Նախնական տեղեկություն կար, որ թիմի հետ չեն մեկնի միայն Ամերիկայի գավաթի եզրափակչում խաղացած ֆուտբոլիստները, բայց, փաստորեն, Էնրիկեն բրազիլացիներին ևս տվել է հանգստի հնարավորություն:
Ձեզ ենք ներկայացնում «Բարսելոնայի» հայտացուցակը.
Տեր Շտեգեն, Մասիպ, Խ. Սուարես, Պիկե, Ռակիտիչ, Բուսկետս, Պեդրո, Ինյեստա, Լ. Սուարես, Ռաֆինյա, Բարտրա, Դուգլաս, Ալբա, Սերխի Ռոբերտո, Ադրիանո, Վերմալեն, Մատյո, Թուրան, Ալ. Վիդալ, Սանդրո, Մունիր, Հալիլովիչ, Սամպեր, Գումբաու։
Սիրարփի Աղաբաբյան
