Ռուս ընդդիմադիր գործիչ Մարիա Գայդարը նշանակվել է Սաակաշվիլիի օգնական
Ռուս ընդդիմադիր քաղաքական գործիչ Մարիա Գայդարը նշանակվել է Օդեսայի մարզի նահանգապետ Միխայիլ Սաակաշվիլիի օգնական, հայտնում է BBC-ն:
«Ես դեռ երբեք չեմ աշխատել նման թիմում. Մենք իսկական բարեփոխումներ կիրականացնենք»,-ասել է Գայդարը Օդեսայում կայացած միջոցառման ժամանակ:
«Այն փաստը, որ մեզ միացել է ռուս ամենավառ քաղաքական գործիչներից մեկը, վկայում է այն մասին, որ մենք անպարտելի ենք»,-ասել է Սաակաշվիլին՝ ներկայացնելով իր նոր օգնականին:
Սաակաշվիլին խոստացել է Գայդարին տրամադրել Ուկրաինայի քաղաքացիություն:
Հիշեցնենք, որ Սաակաշվիլին Օդեսայի մարզի նահանգապետ էր նշանակվել մայիսի 30-ին:
