Մադրիդյան ակումբից հեռանալը չի խանգարի Կասիլիասին հավաքականում
Իսպանիայի հավաքականի գլխավոր մարզիչ Վիսենտե դել Բոսկեն պատասխանել է «Ռեալ Մադրիդի» արդեն նախկին դարպասապահ Իկեր Կասիլիասի հեռանկարների մասին Իսպանիայի ազգային հավաքականում:
Ըստ Դել Բոսկեի, մադրիդյան ակումբից հեռանալը չի նշանակում, որ Կասիլիասը չի խաղա հավաքականում;
«Մենք հույս ունենք, որ Կասիլիասն իրեն լավ կզգա ու լավ մարզավիճակում կլինի, որպեսզի պաշտպանի հավաքականի գույները: Եվրոպայի առաջնությո՞ւն, Ֆրանսիայո՞ւմ: Ամեն ինչ կախված կլինի նրա ելույթներից: Գլխավորը, որ մենք մրցաշարի վերաբերյալ հստակ գաղափարներ ունենք»,- նշել է Դել Բոսկեն:
Սիրարփի Աղաբաբյան
