Կոտրել են Ավակովի ու Պորոշենկոյի Twitter-յան օգտահաշիվները
Ուկրաինայի նախագահ Պյոտր Պորոշենկոյի ադմինիստրացիայի ու երկրի ՆԳՆ ղեկավար Արսեն Ավակովի Twitter-յան օգտահաշիվները կոտրել են, այնտեղ հրապարակված տեղեկությունը չի համապատասխանում իրականությանը, RIA Novosti-ին հայտնել են Ուկրաինայի նախագահի մամլո ծառայությունից:
«Օգտահաշիվը կոտրվել է: Տեղադրված տեղեկությունը չի համապատասխանում իրականությանը»,- հայտնել են Պորոշենկոյի մամլո ծառայությունից՝ մեկնաբանելով սոցցանցում տեղադրված տեղեկությունը, թե Պորոշենկոն հանձնարարել է գնահատական տալ «Աջ սեկտորի» գործողություններին:
Իր հերթին, Արսեն Ավակովի օգնկան Նատալյա Ստատիվկոն հայտարարել է, թե նախարարի կայքն ու Twitter-ը նույնպես կոտրել են ու վերջին հրապարակումը չի համապատասխանում իրականությանը:
«Ավակովի կայքն ու Twitter-ը կոտրված են, տեղեկությունը ճշգրիտ չէ,-ասել է Ստատիվկոն «112 Ուկրաինա» հեռուստաալիքին տված հարցազրույցում:
