Թաիլանդում կոռուպցիայի դեպքերն այսուհետ կպատժեն մահապատժով
Թաիլանդում կոռուպցիայի դեմ պայքարի մասին օրենքում կատարված փոփոխությունների համաձայն՝ ինչպես երկրի քաղաքացիների, այնպես էլ արտասահմանցիների համար նախատեսվում է մահապատիժ առանձնապես խոշոր չափերի հասնող կոռուպցիայի դեպքում:
Ինչպես հայտնում է The Phuket News-ը, հակակոռուպցիոն օրենքում փոփոխությունները հրապարակվել են հուլիսի 9-ին The Royal Gazette-ում ու ուժի մեջ են մտել հուլիսի 13-ից:
Փոխոփությունների համաձայն՝ կոռուպցիայի մեջ մեղավոր ճանաչված Թաիլանդի, արտասահմանյան պետությունների կամ միջազգային կազմակերպությունների պաշտոնյաներին սպասվում է 5-20 տարով բանտարկություն ու մոտ 13 հազար դոլար տուգանք:
Առանձին դեպքերում պատիժը կարող է խստացվել՝ մինչև ցմահ ազատազրկում կամ մահապատիժ:
