Մեքսիկան երկրի թիվ մեկ նարկոբարոնին գտնելու դիմաց խոստանում է 3,8 մլն դոլար պարգևավճար
Մեքսիկական իշխանությունները 60 մլն պեսո (3,8 մլն դոլար) պարգևավճար են խոստանում երկրի թիվ մեկ նարկոբարոն Խոակին Գուսմանին բռնելու համար, ով արդեն երկրորդ անգամ է փախուստի դիմել բանտից, հայտնում է BBC-ի ռուսական ծառայությունը:
Ինչպես հայտնել է Մեքսիկայի ՆԳՆ ղեկավար ԱՆխել Օսորիո Չոնգը, Գուսմանի փախուստին, ըստ ամենայնի, առնչություն ունեն «Ալտիպլանո» բանտի աշխատակիցները:
Աշխատանքից ազատվել են բանտի տնօրենն ու երեք աշխատակից: Ինչպես պարզվել է, Գուսմանին հաջողվել է փախչել՝ չնայած այն բանին, որ նա կրել է էլեկտրոնային ապարանջան և գտնվել է 24-ժամյա վերահսկողության տակ։
Գուսմանը կալանավորվել էր 2014թ. փետրվարին Սինալոա նահանգում մեքսիկացի ու ամերիկացի թմրաոստիկանների համատեղ օպերացիայի ընթացքում:
Նրան ձերբակալել էին Մասատլան զբոսավայրի հյուրանոցներից մեկում:
