«Հուսով եմ, որ «Բավարիայի» երկրպագուները կհասկանան իմ որոշումը». Բաստիան Շվայնշտայգեր

Գերմանացի կիսապաշտպանը հրապարակել է իր հրաժեշտի բաց նամակը:

Շաբաթ «Մանչեսթեր Յունայթեդը» պաշտոնապես հաստատել է այն ֆուտբոլիստի ձեռքբերումը, ով իր պրոֆեսիոնալ կարիերայի 17 մրցաշրջանն անցկացրել է «Բավարիայում»:

«Թանկագին երկրպագուներ, «Բավարիայում» անցկացրած 17 անհավանական տարիներից, 15 ազգային տիտղոսներից, պատմական թրեբլից և անթիվ այլ վառ պահերից հետո, որոնք ես երջանկություն եմ ունեցել զգալ այս անհավանական թիմի բացառիկ երկրպագուների, «Սեբեներ Շտրասեի» և «Ալեանս Արենայի» աշխատակիցների հետ, այնուամենայնիվ, որոշում եմ կայացրել` մի նոր քայլ անել իմ կարիերայում:

Այդ որոշումը հեշտ չէր ընդունել, քանի որ դուք և «Բավարիան» եղել եք, կաք և կլինեք իմ կյանքի կարևոր մասը: Ամեն դեպքում ես ցանկանում եմ նոր փորձ ստանալ` նոր ակումբում:

Իմ ընտրությունը «Մանչեսթեր Յունայթեդն» է: Ես հուսով եմ, որ դուք կարող եք հասկանալ իմ որոշումը: Ոչ ոք մեզանից չի վերցնի այն, ինչ մենք անցել ենք միասին»:

Շվայնշտայգերը «Բավարիայի» կազմում անցկացրել է պաշտոնական 500 հանդիպում և անցած տարի դարձել է Աշխարհի չեմպիոն:

Պատրաստեց Անի Գաբուզյանը