Ռուսաստանը խզել է Վրաստանի հետ դատապարտյալների արտահանձնմանը վերաբերող պայմանագիրը
Ռուսաստանի նախագահ Վլադիմիր Պուտինը հրաման է ստորագրել, որը հաստատում է Վրաստանի հետ դատապարտյալների արտահանձնմանը վերաբերող պայմանագրի խզումը: Համապատասխան փաստաթուղթը հրապարակվել է իրավական տեղեկատվության պաշտոնական պորտալում, տեղեկացնում է «Գրուզիա օնլայնը»:
Ռուսաստանն ավելի վաղ միակողմանի կարգով որոշել էր խզել դատապարտված անձնանց արտահանձնմանը վերաբերող Վրաստանի հետ պայմանագիրը, որը կողմերը կնքել էին Մոսկվայում 1996 թվականի մարտի 19-ին:
Ռուսաստանի ԱԳՆ-ին հանձնարարվել է Վրաստանի իշխանություններին ուղարկել համապատասխան հրամանը:
