ԱՄՆ պաշտպանության նախարարը Չինաստանին կոչ է արել դադարեցնել արհեստական կղզիների կառուցումը
BBC-ի փոխանցմամբ` ԱՄՆ պաշտպանության նախարար Էշթոն Քարտերը դիմել է Չինաստանի իշխանություններին` խնդրելով դադարեցնել Հարավ-Չինական ծովի վիճելի հատվածներում արհեստական կղզիների կառուցումը:
Քարթերն իր ասիական շրջագայության շրջանակներում ընդգծել է, որ վիճելի տարածքներում Պեկինի գործողությունները հանգեցնում են իրավիճակի անկայունացմանը: Նա խոստացել է, որ ԱՄՆ-ը մնալու է Ասիա-խաղաղօվկիանոսյան տարածաշրջանում անվտանգության երաշխավոր:
Չինաստանը Հարավ-Չինական ծովում հավակնում է բազմաթիվ կղզիների, ժայռերի ու խութերի, որոնց հանդեպ իրենց իրավունքների մասին հայտարարում են նաև Ֆիլիպինները, Վիետնամը, Մալայզիան ու Բրունեյը:
