Ռուսական բանակն ունակ է 4 օրում գրավել Բալթյան երկրներն ու Կիևը. ՆԱՏՕ-ի գեներալ
Lenta.ru-ի փոխանցմամբ` ՆԱՏՕ-ի ռազմական հանձնաժողովի նախագահ, չեխ գեներալ Պետր Պավելը հայտարարել է, որ ռուսական բանակն ունակ է Մերձբալթյան երկրները գրավել երկու օրվա ընթացքում, ինչպես նաև ունակ է նույն ժամկետում գրավել Կիևը:
Պավելը կարծում է, որ ՆԱՏՕ-ն չի կարող ադեկվատ արձագանքել այդ իրավիճակին: Նրա խոսքերով` Մոսկվան կարող է Մերձբալթյան երկրների վրա հարձակվելու մասին որոշում ընդունել հաշվված ժամերի ընթացքում, մինչդեռ ՆԱՏՕ-ն, որի մեջ մտնում է 28 երկիր, կծախսի շատ ժամանակ` միասնական դիրքորոշում մշակելու համար:
Գեներալն այդ մասին հայտարարել է Պրահայում տեղի ունեցած «Մեր անվտանգությունը» կոնֆերանսի ժամանակ:
