Ավելի քան 80.000 իրաքցի կամավորական կմասնակցի ԻՊ-ից Ռամադի քաղաքի ազատագրմանը
Իրանական Tasnim լրատվական գործակալության փոխանցմամբ՝ ավելի քան 80.000 իրաքցի կամավորական մասնակցելու է Անբար նահանգի վարչական կենտրոն Ռամադի քաղաքը «Իսլամական պետություն» ահաբեկչական խմբավորման զինյալներից ազատագրելուն ուղղված ռազմական գործողությանը:
Կամավորականներն այդ գործողությանը մասնակցելու են Իրաքի բանակի ու դաշնային ոստիկանության հետ մեկտեղ: Այս մասին հայտարարել է զինվորականների ներկայացուցիչ Ահմադ ալ-Մաքսուսին: Ավելի վաղ հաղորդվել էր, որ ԱՄՆ փոխնախագահ Ջոզեֆ Բայդենն Իրաքին աջակցություն է հայտնել ԻՊ-ի դեմ պայքարում:
