Ռուսաստանը գնալով ավելի ագրեսիվ դիրքորոշում է որդեգրում Ուկրաինայի հանդեպ. Օբամա
BBC-ի փոխանցմամբ՝ ԱՄՆ նախագահ Բարաք Օբաման Ռուսաստանին մեղադրել է նրանում, որ նա գնալով ավելի ագրեսիվ դիրքորոշում է որդեգրում Ուկրաինայի հանդեպ: Օբաման այս մասին հայտարարել է ՆԱՏՕ-ի գլխավոր քարտուղար Յենս Սթոլթենբերգի հետ հանդիպումից հետո.
«Մենք հնարավորություն ենք ունեցել քննարկել Ուկրաինայում տիրող իրավիճակը, ինչպես նաև Ռուսաստանի՝ գնալով ավելի ագրեսիվ դարձող դիրքորոշումը»:
Հանդիպման ժամանակ Օբաման ու Սթոլթենբերգն ընդգծել են, որ անհրաժեշտ է, որպեսզի հակամարտող կողմերը հարգեն Մինսկյան համաձայնագրերը, որոնք ՆԱՏՕ-ի գլխավոր քարտուղարի խոսքերով՝ գնալով ավելի շատ կարող են հանդիսանալ դեպի խաղաղություն տանող ուղի:
