ԱՄՆ-ը միջամտում է Վրաստանի ներքին գործերին. Բուրջանաձե
Վրացական «Ասավալ-դասավալի» թերթին տված հարցազրույցի ժամանակ Վրաստանի խորհրդարանի նախկին նախագահ, «Միացյալ դեմոկրատական շարժման» առաջնորդ Նինո Բուրջանաձեն հայտարարել է, որ ԱՄՆ-ը միջամտում է երկրի ներքին գործերին ու հովանավորում է նախկին նախագահ Միխեիլ Սաակաշվիլիի «Միասնական ազգային շարժում» կուսակցությանը.
«Պուտինին քննադատող «Ազգային շարժումն» այնքան արժեքավոր է Արևմուտքի համար, որ նա աչք է փակում ամեն ինչի վրա: Ամերիկացիները նաև այսօր անում են ամեն բան, որպեսզի ընտրությունների միջոցով իշխանության բերեն արևմտամետ ուժին:
Ակնհայտ է, որ Բիձինա Իվանիշվիլին (նախկին վարչապետ) չի կարող քայլ անել՝ առանց Արևմուտքի: Նրա ֆինանսների 80 տոկոսը գտնվում է արևմտյան բանկերում, և նա հոգ է տանում դրանց մասին»:
Բուրջանաձեն վստահեցրել է, որ Վրաստանում ԱՄՆ դեսպանատունը միջամտում է երկրում լուրջ որոշումների ընդունմանը:
