Քեմերոնն ու Պուտինը քննարկել են Ուկրաինայի ու Սիրիայի հարցերը
BBC-ի փոխանցմամբ՝ Մեծ Բրիտանիայի վարչապետ Դևիդ Քեմերոնն ու Ռուսաստանի նախագահ Վլադիմիր Պուտինը երեկ 30 րոպեանոց հեռախոսազրույցի ժամանակ քննարկել են Ուկրաինայի ու Սիրիայի հարցերը:
Այս մասին հայտարարել է Դաունինգ սթրիթի ներկայացուցիչը: Քեմերոնը հայտարարել է, որ Լոնդոնի ու Մոսկվայի միջև կան լուրջ տարաձայնություններ, սակայն ներկայումս անհրաժեշտ է ապահովել մինսկյան համաձայնագրերի իրագործումը:
Սիրիայի հետ կապված՝ Քեմերոնն ու Պուտինը համաձայնության են եկել, որ երկու երկրների ազգային անվտանգության հարցերով խորհրդականները պետք է հանդիպեն և փորձեն վերսկսել Սիրիայի հակամարտության խաղաղ կարգավորման մասին բանակցությունները:
Քեմերոնն ընդգծել է, որ իր կարծիքով՝ Սիրիայի նախագահ Բաշար Ասադը չի կարող մասնակցել սիրիական ճգնաժամի կարգավորման գործընթացին:
