Պայթյուն Զվարթնոցի գազալցականում. Վիրավորվել են Հակոբ Հակոբյանի (Ճոյտ) եղբայրն ու որդին. news.am
Ինչպես տեղեկացրել էինք՝ Արմավիրի մարզի Զվարթնոց գյուղի գազալցակայաններից մեկում, այսօր՝ մայիսի 26-ի առավոտյան, պայթյուն է տեղի ունեցել, ինչի հետեւանքով 3 մարդ վիրավորվել է: Կրակը, նախնական տվյալներով առաջացել է կոմպրեսորային կայանից, որտեղից տարածվելով հասել է Volkswagen մակնիշի 34 QF 306 համարանիշի ավտոմեքենային,եւ տեղի է ունեցել պայթյուն։ Կոմպրեսորային կայանի տարածքն ամբողջովին այրված է։
NEWS.am-ի թղթակիցը հաղորդում է, որ մեքենան, որը պատկանում է նախկին ԱԺ պատգամավոր Հակոբ Հակոբյանի (Ճոյտ) հարազատներին, կիսով չափ այրվել է: Պայթյունի հետեւանքով վիրավորվել են մեքենայի կողքին կանգնած Հակոբ Հակոբյանի եղբայրը եւ որդին, ինչպես նաեւ գազալցակայանի աշխատողը:
Ամբողջությամբ՝ սկզբնաղբյուր կայքում:
