Վրաստանը շարունակում է եվրոպական ինտեգրումը՝ հակամարտության մեջ չմտնելով ՌԴ-ի հետ. Աբաշիձե
Sputnik լրատվական գործակալության փոխանցմամբ՝ Վրաստանի վարչապետի՝ Ռուսաստանի հետ հարաբերությունների կարգավորման հարցերով հատուկ ներկայացուցիչ Զուրաբ Աբաշիձեն այսօր հայտարարել է, որՎրաստանը շարունակում է եվրոպական ինտեգրումը՝ չափազանց վտանգավոր հակամարտության մեջ չմտնելով Ռուսաստանի հետ:
Աբաշիձեն նման կերպ է մեկնաբանել մայիսի 21-22-ը Ռիգայում անցկացված «Արևելյան գործընկերության» գագաթաժողովը: Աբաշիձեն ընդգծել է, որ Վրաստանի այդ դիրքորոշումը տեսանելի է թե՛ Արևմուտքում, թե՛ Ռուսաստանում:
Զուրաբ Աբաշիձեի ու Ռուսաստանի փոխարտգործնախարար Գրիգորի Կարասինի հաջորդ հանդիպումը ենթադրաբար անցկացվելու է հունիսի վերջին:
