Աստանայում մեկնարկում են սիրիական ընդդիմության բանակցությունները
Lenta.ru-ի փոխանցմամբ՝ մայիսի 25-27-ն Աստանայում տեղի կունենան սիրիական ընդդիմության ներկայացուցիչների բանակցությունները: Այս մասին հայտնել է Ղազախստանի ԱԳՆ-ը:
Բանակցություններն անցկացվելու են դռնփակ պայմաններում: Ակնկալվում է, որ հանդիպումից հետո դրա մասնակիցները կտան մամուլի ասուլիս և կհայտնեն հաջորդ հանդիպման անցկացման ժամկետի ու վայրի մասին:
Ավելի վաղ սիրիական ընդդիմադիր ուժերի խումբը դիմել է Ղազախստանի նախագահ Նուրսուլթան Նազարբաևին՝ խնդրելով միջնորդել Սիրիայի ճգնաժամի կարգավորման վերաբերյալ բանակցություններում:
Ղազախստանը որոշել է հարթակ տրամադրել սիրիական ընդդիմության ներկայացուցիչների երկխոսության համար և ստեղծել անհրաժեշտ պայմաններ՝ բանակցությունները հաջողությամբ անցկացնելու համար:
