«Թուրքական հոսք» գազատարի ծովային հատվածի կառուցումը կմեկնարկի հունիսի սկզբին
Russia Today հեռուստաալիքի փոխանցմամբ՝ «Գազպրոմ» ընկերությունը պահպանում է մինչև 2016 թվականի ավարտը «Թուրքական հոսք» գազատարի ծովային հատվածի առաջին ճյուղը կառուցելու պլանները: Այս մասին հայտարարել է «Գազպրոմի» ղեկավարության ներկայացուցիչ Օլեգ Ակսյուտինը:
«Գազպրոմի» մեկ այլ ներկայացուցիչ՝ Վիտալի Մարկելովը, իր հերթին՝ հայտարարել է, որ ծանծաղուտում «Թուրքական հոսք» գազատարի կառուցումը մեկնարկելու է հունիսի առաջին տասնօրյակին:
Գազատարի կառուցման մեկնարկային աշխատանքներին մասնակցելու է երկու նավ: Առաջին խողովակների տեղակայումն իրականացնելու է իտալական Saipem ընկերությունը:
«Գազպրոմ» ընկերությունը «Թուրքական հոսք» գազատարի կառուցման համար օգտագործելու է այն բոլոր խողովակները, որոնք պետք է օգտագործվեին արդեն փակված «Հարավային հոսք» գազատարի նախագծի իրագործման ժամանակ:
