Նախագահը գեներալ-մայորի կոչում է շնորհել ԿՀԴՊԳՎ պետին և Երևան քաղաքի վարչության պետին
ՀՀ նախագահ Սերժ Սարգսյանն այսօր հրամանագրեր է ստորագրել՝ ոստիկանության գեներալ-մայորի կոչում շնորհելով Հայաստանի Հանրապետության ոստիկանության կազմակերպված հանցավորության դեմ պայքարի գլխավոր վարչության պետ, ոստիկանության գնդապետ Ռաֆայել Գրիշայի Զաքարյանին և Երևան քաղաքի վարչության պետ, ոստիկանության գնդապետ Աշոտ Մաքսիմի Կարապետյանին։ Այս մասին տեղեկացնում է ՀՀ Նախագահի պաշտոնական կայքը։
