77 տարեկանում մահացել է ամենաշատ դաջվածքներն ունեցող կին թոշակառուն
The Daily Mirror-ի փոխանցմամբ` աշխարհի մասշտաբով ամենաշատ դաջվածքներն ունեցող բրիտանացի թոշակառու Իզոբել Ուորլին մահացել է 77 տարեկանում: Գինեսի ռեկորդների գրքում ընդգրկված Ուորլիի մահվան պատճառ է դարձել Ալցհեյմերի հիվանդությունը:
Պարբերականն ընդգծում է, որ Ուորլին եղել է «դաջվածքի աշխարհի լեգենդ»: Ընդհանուր առմամբ նրա մարմնի վրա եղել է 200 դաջվածք, որոնք ծածկել են կնոջ մարմնի մակերևույթի 93 տոկոսը: Առաջին դաջվածքը նա արել է 49 տարեկանում:
Իզոբելն իր կյանքի ընթացքում տատու սրահներում ընդհանուր առմամբ անցկացրել է 500 ժամ: Իր հարցազրույցներից մեկում Ուորլին պատմել էր, որ ի սկզբանե ցանկացել է անել միայն մեկ դաջվածք` թռչնակ, սակայն դրանից հետո պարզապես սիրահարվել է նրա վրա և սկսել է կախվածություն ձեռք բերել դաջվածքներից:
Նա իր ամենասիրելի դաջվածք էր համարում որովայնի շրջանում 7 վագրի պատկերը:
