Մեծ Բրիտանիայում հրապարակվել են արքայազն Չառլզի գաղտնի նամակները
Russia Today-ի փոխանցմամբ` Մեծ Բրիտանիայում հրապարակվել են երկրի կառավարությանը հասցեագրած արքայազն Չառլզի նամակները, ինչն աղմուկ է բարձրացրել մամուլում: Թագավորական ընտանիքի անդամը դրանք գրել է 2004-2005 թվականներին:
Վարչապետ Թոնի Բերին ու բրիտանացի բարձրաստիճան պաշտոնատար անձանց հասցեագրած Չառլզի նամակների բովանդակությունը 2005 թվականից պահվել է գաղտնի: ԶԼՄ-ների ներկայացուցիչները դատարանի միջոցով քանիցս պահանջել են գաղտնազերծել նամակագրությունը:
Հայցն անգամ բավարարվել է, սակայն կառավարության հրամանով արգելափակվել է դատական որոշումը: Վերջիվերջո Գերագույն դատարանը որոշել է հրապարակել դրանք: Դրանցում Չառլզը խորհուրդ է տվել անհրաժեշտ վայրերում սկսել փորսուղների որս:
Իր նամակներում Չառլզն անդրադարձել է նաև ձկնորսական ապօրինի արդյունաբերությանը, ինչպես նաև ցանկացել է, որ երկրում օրինականացվի ոչ ավանդական բժշկությունը:
Մեծ Բրիտանիայի վարչապետ Դևիդ Քեմերոնը և Ուելսի արքայազնի մամլո ծառայությունն իրենց դժգոհությունն են հայտնել Գերագույն դատարանի տվյալ որոշման կապակցությամբ:
