Ղրիմում տեղակայված ավիացիոն զորամասերը համալրվել են նոր կործանիչներով ու ռմբակոծիչներով
Ռուսական РИА Новости լրատվական գործակալության փոխանցմամբ՝ Ղրիմում ու Ռոստովի մարզում տեղակայված Ռուսաստանի Հարավային ռազմական օկրուգի ավիացիոն զորամասերը համալրվել են նոր ռմբակոծիչներով ու կործանիչներով:
Պլանավորված է շուտով (մոտ հեռանկարում) դրանք համալրել ևս ավելի քան 40 միավոր ավիատեխնիկայով: Այս մասին հայտնել է Հարավային ռազմական օկրուգի մամլո ծառայությունը:
Վերջինիս հաղորդմամբ՝ Ռոստովի մարզում ու Ղրիմում տեղակայված ավիացիոն զորամասերը տարեսկզբից սկսած ստացել են ավիացիոն տեխնիկայի 5 նոր միավոր, որոնց թվում են հայտնվել Су-34 բազմանշանակ կործանիչ-ռմբակոծիչներն ու Су-27П արդիականացված կործանիչները:
