Սյունիքում տեղի ունեցած միջադեպից տուժածի հայրը ՄԻՊ թեժ գիծ է զանգահարել
Երեկ երեկոյան Օմբուդսմենի 116 թեժ գծին զանգահարել է մայիսի 2-ին Գորիսի մոտակայքում տեղի ունեցած միջադեպի արդյունքում տուժած երիտասարդների հայրը:
Ահազանգի հիման վրա այսօր Օմբուդսմենի տեղակալ Արմեն Գրիգորյանն այցելել է հիվանդանոցում գտնվող Մուշեղ Զաքարյանին, զրուցել է դեպքից տուժածների մոր հետ:
Տուժածների մայրը` Անահիտ Գալստյանը, դիմում է ներկայացրել Օմբուդսմենին և հայտնել է իր մտավախությունները միջադեպի կապակցությամբ:
Տուժողների մոր դիմումի հիման վրա Օմբուդսմենի հանձնարարականով վարույթ է հարուցվել:
Տեղեկացնենք, որ այս պահին պատրաստվում են գրություններ համապատասխան պատկան մարմիններին հրատապ կարգով ուղարկվելու համար:
