Բիլլ Քլինթոնը հուսով է վերադառնալ Սպիտակ տուն
CBS հեռուստաալիքին տված հարցազրույցի ժամանակ ԱՄՆ նախկին նախագահ Բիլլ Քլինթոնը հույս է հայտնել, որ կվերադառնա Սպիտակ տուն, ինչը տեղի կունենա այն դեպքում, եթե նրա կին Հիլարի Քլինթոնը հաղթի 2016 թվականին ԱՄՆ-ում անցկացվելիք նախագահական ընտրություններում:
Քլինթոնը մանրամասնել է, որ Հիլարին նախ պետք է հաղթանակ տանի Դեմոկրատական կուսակցության թեկնածուների շրջանում, ապա նաև՝ հիմնական ընտրություններում: 1993-2001 թվականներին ԱՄՆ-ի նախագահ հանդիսացած Բիլլ Քլինթոնն ընդգծել է, որ իր կնոջ հաղթանակի դեպքում Սպիտակ տուն վերադառնալու հնարավորությունները հավասար կլինեն 100 տոկոսի:
Նա վստահություն է հայտնել, որ նախագահական ընտրություններում Հիլարիի հաղթանակը դրականորեն կանդրադառնա ԱՄՆ-ի վրա: Հիլարի Քլինթոնը Դեմոկրատական կուսակցությունից նախագահական ընտրություններին մասնակցելու մտադրության մասին հայտարարել է ապրիլի 12-ին:
