Եմենի շիա ապստամբները պատրաստ են հրադադարին

Sputnik գործակալության փոխանցմամբ` Եմենի շիա ապստամբներն ու կառավարությունը փակ բանակցություններ են վարում հրադադարի մասին: Այս մասին հայտնել է շիա ապստամբներին մոտ կանգնած աղբյուրը:

Նրա խոսքերով` բանակցությունները տարվում են Օմանի իշխանությունների միջնորդությամբ: Աղբյուրն ընդգծել է, որ Օման է ժամանել Եմենի փոխնախագահ Խալեդ Բախահը:

Ենթադրվում է, որ մոտ ժամանակներս կողմերը կհամաձայնեցնեն հրադադարի հարցը, ինչն անհրաժեշտ է հումանիտար նպատակներով: ՄԱԿ-ը նույնպես կոչ է արել դադարեցնել կրակը, որպեսզի հնարավոր դառնա հումանիտար օգնության ուղարկումը Եմեն, ուր սուր ձևով զգում են դրա կարիքը: