«Գազպրոմը» սկսել է «Թուրքական հոսք» գազատարի ծովային հատվածի կառուցումը
Ռուսական Интерфакс լրատվական գործակալության փոխանցմամբ՝ «Գազպրոմն» անցում է կատարել «Թուրքական հոսք» գազատարի ծովային հատվածի կառուցման փուլին: Այս մասին «Ռոսիա 24» հեռուստաալիքի եթերում հայտարարել է կոնցեռնի ղեկավար Ալեքսեյ Միլլերը:
Նրա խոսքերով՝ ընկերությունը սկսել է գազատարի ծովային հատվածի կառուցման մոբիլիզիացիոն նախապատրաստությունը: Միլլերի խոսքերով՝ «Թուրքական հոսք» գազատարի ֆիզիկական կառուցումը կարող է մեկնարկել այսօր:
Սրանից առաջ էլ Միլլերը հայտարարել էր, որ գազատարի շահագործման մեկնարկը պլանավորված է 2016 թվականի դեկտեմբերին:
