Այսօր Մոսկվայում կանցկացվի Եվրասիական տնտեսական բարձրագույն խորհրդի նիստը
Ռուսական РИА Новости լրատվական գործակալության փոխանցմամբ՝ Ռուսաստանի նախագահ Վլադիմիր Պուտինն մասնակցելու է Եվրասիական տնտեսական բարձրագույն խորհրդի նիստին, որն այսօր անցկացվելու է Մոսկվայում:
Այս մասին հայտարարել է Ռուսաստանի նախագահի օգնական Յուրի Ուշակովը: Նրա խոսքերով՝ պլանավորված է նիստի ժամանակ քննարկել ԵՏՄ-ին Ղրղզստանի միանալու հարցը, ինչը և լինելու է քննարկման հիմնական առարկան:
Ուշակովն ընդգծել է, որ դա կլինի 2015 թվականի հունվարի 1-ին ԵՏՄ-ի գործարկումից հետո ամբողջական ձևաչափով անդամ երկրների ղեկավարների առաջին հանդիպումը:
Այսօրվա նիստին մասնակցելու են ԵՏՄ-ի հիմնադիրներ Ռուսաստանի, Բելառուսի, Ղազախստանի նախագահները, հունվարի 2-ին ԵՏՄ-ին անդամակցած Հայաստանի նախագահը, ինչպես նաև ԵՏՄ-ին անդամակցող Ղրղզստանի նախագահը:
