Օբաման պատրաստ է համագործակցել Նեթանյահուի հետ. Սպիտակ տուն
Բրիտանական Reuters լրատվական գործակալության փոխանցմամբ՝ ԱՄՆ նախագահ Բարաք Օբաման պատրաստ է համագործակցել Իսրայելի վարչապետ Բենիամին Նեթանյահուի և նրա նոր կոալիցիոն կառավարության հետ:
Այս մասին հայտարարել է Սպիտակ տանը կից ԱՄՆ Ազգային անվտանգության խորհուրդը: Վերջինս ընդգծել է, որ Օբաման հատուկ ուշադրություն է հատկացնում անվտանգության ու հետախուզական ոլորտում երկկողմ համագործակցության կարևորությանը:
Բացի այդ, Սպիտակ տանը հայտարարել են, որ նախագահը հուսով է խորհրդակցություններ անցկացնել Իսրայելի նոր կառավարության հետ՝ կապված Իրանի միջուկային ծրագրի ու Պաղեստինա-իսրայելական հակամարտության կարգավորման վերաբերյալ բանակցությունների հետ:
