Մեծ Բրիտանիայում անցկացվում են խորհրդարանական ընտրություններ
Թուրքական Anadolu լրատվական գործակալության փոխանցմամբ՝ Մեծ Բրիտանիայում այսօր անցկացվում են խորհրդարանական ընտրություններ: Քվեարկությունը շարունակվելու է մինչև ժամը 22.00-ը: Դրանց արդյունքներով կհստակեցվի 650 հոգանոց բրիտանական խորհրդարանի կազմը:
Մոտ 42 միլիոն ընտրողներ Անգլիայում, Շոտլանդիայում, Ուելսում ու Հյուսիսային Իռլանդիայում քվեարկում և պատրաստվում են քվեարկել դպրոցներում ու եկեղեցիներում կազմակերպված ընտրատեղամասերում: Ակնկալվում է, որ ընտրությունների արդյունքները հայտնի կդառնան արդեն հաջորդ օրն առավոտյան:
Անգլիայի տարածքի 80 տոկոսում կանցկացվեն նաև ՏԻՄ ընտրություններ, ինչի համար էլ Անգլիայում քվեահաշվարկը կարող է տևել ավելի երկար: Մեծ Բրիտանիայում պատգամավորներն ընտրվում են հնգամյա ժամկետով:
