Մայիսի 9-ի զորահանդեսին կմասնակցի ավելի քան 16.000 զինծառայող. Պեսկով
Ռուսական РИА Новости լրատվական գործակալության փոխանցմամբ՝ Ռուսաստանի նախագահի մամլո քարտուղար Դմիտրի Պեսկովը հայտարարել է, որ մոտ 30 օտար երկրների ու միջազգային կառույցների ղեկավարներ կմասնակցեն Հաղթանակի 70-ամյակին նվիրված միջոցառումներին:
Պեսկովը հավելել է, որ մայիսի 9-ին Մոսկվայում կայանալիք Հաղթանակի զորահանդեսին մասնակցելու է ավելի քան 16.000 զինծառայող, ինչպես նաև Հայրենական Մեծ պատերազմի 2300 վետերաններ:
Պեսկովի խոսքերով՝ զորահանդեսին մասնակցելու է 194 միավոր ցամաքային ռազմական տեխնիկա, 143 ինքնաթիռ ու ուղղաթիռ, կներկայացվեն նորագույն զինատեսակներ:
