Ուկրաինան պետք է անդամակցի ՆԱՏՕ-ին. Պորոշենկո
Ուկրաինական UNIAN լրատվական գործակալության փոխանցմամբ՝ Ուկրաինայի նախագահ Պյոտր Պորոշենկոն երեկ մասնակցել է Ուկրաինայի ազգային անվտանգության ու պաշտպանության խորհրդի նիստին:
Պորոշենկոն դրա ժամանակ հայտարարել է, որ պետության ազգային անվտանգության ռազմավարությունը պետք է ապագայում ապահովի ՆԱՏՕ-ին Ուկրաինայի անդամակցությունը:
Պորոշենկոն անհրաժեշտ է համարել նման ռազմավարությանը վերադարձ կատարելը՝ հիշեցնելով, որ Ռուսաստանն էականորեն փոփոխել է իր ռազմավարությունը և փորձում է օգտագործել ագրեսիայի ու պատերազմի փորձը:
Ուկրաինայի ազգային անվտանգության ու պաշտպանության խորհրդուրն ընդունել է երկրի ազգային անվտանգության ռազմավարությունը, որի իրագործումը նախատեսված է մինչև 2020 թվականը:
Ռազմական պլանավորման հիմնական փաստաթուղթը հստակեցնում է մինչև 2020 թվականը ազգային անվտանգության քաղաքականության առաջնահերթությունները, ինչպես նաև ԵՄ-ի հետ ստորագրված Ասոցացման համաձայնագրով նախատեսված բարեփոխումները:
