Նեթանյահուն ձևավորել է նոր իշխող դաշինք
Բրիտանական Reuters լրատվական գործակալության փոխանցմամբ՝ «Լիկուդ» կուսակցության առաջնորդ, Իսրայելի գործող վարչապետ Բենիամին Նեթանյահուին հաջողվել է գործարք կնքել նոր կառավարության ձևավորման վերաբերյալ:
Դաշինքի մեջ մտնելու մասին «Հրեական տուն» ծայրահեղ աջ կուսակցության մտնելու մասին պայմանավորվածությունը ձեռք է բերվել միջկուսակցական խորհրդակցությունների համար սահմանված վերջնաժամկետից երկու ժամ առաջ:
Այն բանից հետո, ինչ «Լիկուդը» խորհրդարանական ընտրություններում հավաքել էր քվեների հարաբերական մեծամասնությունը, Նեթանյահուն փորձեց երկու ամսում ձևավորել դաշինք: Ավելի վաղ պայմանավորվածություններ են ձեռք բերվել ևս երեք կուսակցության հետ:
Միևնույն ժամանակ այս շաբաթ «Լիկուդի» հետ համագործակցությունից հրաժարվել է նրա նախկին ավանդական դաշնակից, Ավիգդոր Լիբերմանի «Մեր տունն Իսրայելն է» կուսակցությունը:
