Ֆրանսիայից մայիսի 9-ին Մոսկվա կժամանի արտգործնախարար Լորան Ֆաբիուսը
Le Télégramme-ի փոխանցմամբ՝ Ֆրանսիայից մայիսի 9-ին Մոսկվա կժամանի արտգործնախարար Լորան Ֆաբիուսը: Նա կմասնակցի Հաղթանակի 70-ամյակին նվիրված միջոցառումներին, սակայն ներկա չի գտնվի Կարմիր հրապարակում անցկացվելիք Հաղթանակի զորահանդեսին:
Ֆաբիուսը Europe 1 ռադիոկայանին հայտարարել է. «Ես չեմ մասնակցի զորահանդեսին, սակայն կդնեմ ծաղկեպսակ, ինչից հետո կմեկնեմ Կրեմլ: Անկարելի է անտեսել պատմական իրադարձությունները»:
Ֆաբիուսի խոսքերով՝ Ֆրանսիան ձգտում է կարևոր դեր խաղալ ուկրաինական ճգնաժամի կարգավորման հարցում և Մոսկվայում տոնական միջոցառումներին մասնակցելը կնպաստի ռուսական կողմի հետ հարաբերությունների բարելավմանը:
Ֆաբիուսն ընդգծել է, որ Ֆրանսիայի նախագահ Ֆրանսուա Օլանդը չի կարող գտնվել Մոսկվայում, քանի որ նա պլանավորել է տվյալ ժամանակ այցելել Կուբա:
