Վրաստանի խորհրդարանը նոր կառավարության կազմը կքննարկի մայիսի 8-ին. Ուսուպաշվիլի
Грузия Online-ի փոխանցմամբ՝ Վրաստանի խորհրդարանի նախագահ Դավիթ Ուսուպաշվիլին հուսով է, որ նոր կառավարության հանդեպ վստահություն կհայտնվի մայիսի 8-ին: Նրա խոսքերով՝ դրան պատրաստ են խորհրդարանն ու կառավարությունը, և ներկայումս քայլ պետք է կատարի երկրի նախագահը.
«Մենք պատրաստ ենք կառավարության անդամներին լսել մայիսի 8-ին և պլանավորում ենք գործընթացն ավարտել հաջորդ օրը՝ մայիսի 9-ին: Այժմ խոսքը Վրաստանին նախագահինն է, և ես հուսով եմ, որ նա հաշվի կառնի այն, որ հաջորդ շաբաթ Վրաստանում տեղի է ունենալու կարևորագույն իրադարձություն»:
Վրաստանի նախագահ Գեորգի Մարգվելաշվիլին մայիսի 1-ին մեկ շաբաթով հետաձգել է կառավարության նոր կազմի մասին փաստաթղթի ստորագրումը:
Նա հայարարել էր, որ իր մոտ ստեղծվել է այնպիսի տպավորություն, որ կառավարությունը գործում է ֆորս-մաժորային ռեժիմով, ինչի համար էլ կառավարությունն ու խորհրդարանը պետք է հանգիստ իրավիճակում հստակեցնեն կառավարության վերջնական կազմը:
