Մի շարք երկրների ձեռնտու է տարածաշրջանի անկայունությունը. Ռոուհանի
Իրանական Fars լրատվական գործակալության փոխանցմամբ՝ Իրանի նախագահ Հասան Ռոուհանին հայտարարել է, որ արևմտյան մի շարք երկրներ օգուտներ են ստանում տարածաշրջանում առկա հուզումներից.
«Աշխարհը չպետք է ուրախանա տարածաշրջանում առաջացած դժվարություններից: ԱՄՆ-ը ու Եվրոպայի երկրները չպետք է շահ ստանան այս կամ այն երկրին զենք վաճառելուց:
Տարածաշրջանում արդեն երկար ժամանակ շարունակվում են սպանությունները, ահաբեկչական ակտերը, պայթյուններն ու ավերումները: Դրանք տարածաշրջանի երկրներին ստիպում են վախենալ միմյանցից և նպաստում են զենքի շուկայի ընդլայնմանը»:
Ընդգծվում է, որ Իրանը քանիցս Սաուդյան Արաբիային կոչ է արել անհապաղ դադարեցնել մարտի վերջից Եմենում սկսած ավիահարվածները:
