Սևակ Մնացականյանը վաղն ազատության մեջ կլինի
Վաղը՝ մայիսի 5-ին, լրանում է Շանթ Հարությունյանի և մյուսների գործով ամբաստանյալ Սևակ Մնացականյանի նկատմամբ նշանակված պատժի ժամկետը: Վաղը նա կլինի ազատության մեջ:
Նշենք, որ Սևակ Մնացականյանը Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի վճռով՝ մեղավոր էր ճանաչվել խուլիգանության մեջ և դատապարտվել 1 տարի 6 ամիս ժամկետով ազատազրկման: 2013թ. նոյեմբերի 5-ից նա գտնվում է անազատության մեջ։
Վերաքննիչ դատարանը մերժել էր այս գործով բոլոր ամբաստանյալների բողոքները՝ օրինական ուժի մեջ թողնելով Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի դատավճիռը. ամբաստանյալներն այժմ բողոք են ներկայացրել վճռաբեկ դատարան:
