Ինչպե՞ս ատամների խնամքը կարող է ազդել առնանդամի առողջության վրա
Թայվանում արված գիտական հետազոտությունների արդյունքում պարզվել է, որ բերանի խոռոչում սննդի մնացորդները կարող են հանգեցնել էրեկտիլ դիսֆունկցիայի: Պարզվում է, որ այս խնդրով տառապող տղամարդիկ 79% դեպքերում տառապում են պերեոդոնտիտով, սա ինֆեկցիա է, որն առաջանում է լնդերի իջեցման դեպքում: Պերեոդոնտիտը բորբոքային գործընթաց է, որն ախտահարում է ատամի արմատի շուրջարմատային հյուսվածքը:
Հայտնաբերված ախտահարումը հաճախ կապում են նախկինում չբուժված կամ թերի բուժված ատամի արմատախողովակի խնդրի հետ: Պերեոդոնտիտը հաճախ ունենում է խորանիստ բնույթ, որը պահանջում է կրկնակի բուժում: Լնդերի պատճառով առաջացած քրոնիկ բորբոքման արդյունքում կարող են վնասվել էնդոթելային բջիջները, որոնցից կազմված են բոլոր անոթների պատերը, ներառյալ՝ առնանդամի: Սա իր հերթին՝ հանգեցնում է արյան հոսքի խախտման, ինչն էլ էրեկցիոն խնդիրներ է առաջացնում:
Քանի որ առնանդամի արյունատար անոթները սովորականից փոքր են, ապա յուրաքանչյուր խնդիր, առաջին հերթին, ի հայտ է գալիս հենց այս հատվածում: Այսպիսով, էրեկտիլ դիսֆունկցիան համարվում է սրտանոթային համակարգի հիվանդությունների նախանշան:
Այնուամենայնիվ, այս նախանշանների դեպքում պետք է նախ և առաջ ստուգել ատամներն ու լնդերը: Լնդերի հիվանդությունները դժվար չէ բուժել, ընդամենը կանոնավոր կերպով պետք է հաճախել ատամնաբույժի և մաքրել դրանք: Անհանգստացնող նախանշանների բացակայության դեպքում կարող եք հաճախել ատամնաբույժին կես տարին մեկ:
Թարգմանությունը 168.am-ի
