«Նավթոգազը» իր երկու հայցում «Գազպրոմից» պահանջում է ավելի քան 16 միլիարդ դոլար
ZN.UA-ի փոխանցմամբ` «Ուկրաինայի Նավթոգազը» ապրիլի 30-ին դիմել է Ստոկհոլմի միջազգային դատարան` կապված 2009 թվականի հունվարին ռուսական «Գազպրոմ» ընկերության հետ պայմանագրով Ուկրաինայի տարածքով ռուսական գազի տարանցման հետ:
Այս մասին հայտնել է ընկերության մամլո ծառայությունը: Տվյալ հայցում «Նավթոգազը» «Գազպրոմից» պահանջում է ավելի քան 10 միլիարդ դոլար: Սրանից առաջ էլ «Նավթոգազը» ռուսական գազի մատակարարումների հետ կապված միջազգային դատարան ներկայացրած հայցում «Գազպրոմից» պահանջել էր 6 միլիարդ դոլար:
Դրանով իսկ «Նավթոգազը» այդ երկու հայցով «Գազպրոմից» պահանջում է ավելի քան 16 միլիարդ դոլար:
