«Յուվենթուսը» շատ մոտ է հերթական չեմպիոնությանը
Մայիսի 2-ին Իտալիայի առաջնության 34-րդ տուրի շրջանակներում Թուրինի «Յուվենթուսը» կհանդիպի «Սամպդորիայի» հետ:
Հիմա «Սամպդորիան» ընթանում է մրցաշարային աղյուսակի 5-րդ հորիզոնականում,սակայն պարտվելու դեպքում «Սամպդորիային» կարող են շրջանցել «Ջենովան» և «Ֆիորենտինան»:
«Յուվենթուսի» խնդիրը մի փոքր այլ է: Անգամ ոչ-ոքի արդյունքի դեպքում Յուվենթուսը ապահովում է իր հերթական չեմպիոնությունը: Մասնագետների կարծիքով՝ «Յուվենթուսի» գլխավոր մարզիչ Մասսիմիլիանո Ալլեգրին կարող է խաղադաշտ դուրս բերել 2-րդ թիմի ֆուտբոլիստներին, կամ հանգիստ տալ մի շարք առաջատար ֆուտբոլիստների. առջևում շատ կարևոր խաղ է՝ Չեմպիոնների լիգայի կիսաեզրափակիչը «Ռեալ Մադրիդի» դեմ:
«Յուվենթուսի» և «Սամպդորիայի» միջև նախորդ հանդիպումը տեղի է ունեցել Թուրինում և ավարտվել է 1-1 հաշվով:
Սիրարփի Աղաբաբյան
