Անուշ Սեդրակյան. «Քանի դեռ դուք երկրպագում եք անհատներին, այլ ոչ թե գաղափարներին՝ ձեզ խաբելու են…»
«Ազատ դեմոկրատներ» կուսակցության փոխնախագահ Անուշ Սեդրակյանը ֆեյբուքյան իր էջում, անդրադառնալով, ներքաղաքական իրադարձություններին գրել է.
«Շատ քաղաքական գործիչներ կան, ում չեմ սիրում, հիրավի կան մարդիկ, ում ժամ առաջ կուզենայի տեսնել Հաագայում, բայց երբ իմ բարեկիրթ ընկերներից շատերը առյուծների վանդակներով նկարներն են հրճվանքով դնում ու կիսում, մեկնաբանում, հավանում… հուսահատվում եմ. ու ասեմ, թե ինչո՞ւ…
1. Քանի դեռ դուք ուզում եք, որ կոնկրետ մեկն ուտվի, ոչ թե հրապարակավ դատվի՝ ձեզ ուտելու են:
2. Քանի դեռ դուք ուզում եք, որ ինչ-որ մեկից խլվի, այլ ոչ թե թափանցիկ սեփականության վերահաշվարկ արվի՝ Ձեզ ունեզրկելու են…
3. Քանի դեռ դուք ուզում եք վրեժ, ոչ թե արդարություն՝ ձեզ ճնշելու են:
4. Քանի դեռ դուք երկրպագում եք անհատներին, այլ ոչ թե գաղափարներին՝ ձեզ խաբելու են…
Ու դեռ հարց է, թե առյուծնե՞րը կուտեն, թե՞ ավանակները քացու տակ կթողնեն…
