Փլուզում` Հալաբյան փողոցում
Փետրվարի 12-ին, ժամը 22.16-ին ահազանգ է ստացվել, որ Երևանի Հալաբյան փողոցի թիվ 9/1 շենքի մոտակայքում խցանված դիտահորից առաջացած արտահոսքը մասնակի վնասել է շենքի աստիճանավանդակը. անհրաժեշտ է օգնություն:
Դեպքի վայր է մեկնել ՃԿԱԿ օպերատիվ խումբը:
Պարզվել է, որ շենքի բակում գտնվող դիտահորի մոտակայքում (դիտահորը խցանված չէ) դեպի բակ տանող աստիճանավանդակից փլուզվել է մոտ 2 քմ հատված:
Դեպքի վայրում է գտնվել «Աջափնյակ-1» համատիրության ճարտարագետը, ով հավաստիացրել է, որ փետրվարի 13-ի առավոտյան աստիճանավանդակը կապամոնտաժվի:
ՀՀ Արտակարգ իրավիճակների նախարարություն
