Վահե Էնֆիաջյանը՝ ԼՂՀ այցի մասին. «Մեր նպատակն է Բերձորի դեպքերի վերաբերյալ փաստեր հավաքել»
«Խորհրդարանական պատվիրակությամբ, որի կազմում են Ազգային Ժողովի բոլոր խմբակցությունների ներկայացուցիչները, գտնվում ենք Լեռնային Ղարաբաղում:
Պատվիրանությունը նպատակ ունի հստակ պատկերացում կազմել վերջին դեպքերի մասին, որոնք գտնվում են մեր երկու պետությունների հասարակական ուշադրության կենտրոնում:
Մեր նպատակն է Բերձորի դեպքերի վերաբերյալ փաստեր հավաքել և հստակ տեղեկանալ միջադեպի բոլոր մանրամասներին:
Արդեն հանդիպումներ ենք ունեցել նախագահ Բակո Սահակյանի և ԱԺ նախագահ Աշոտ Ղուլյանի հետ:
Այսօրվա օրակարգում նախատեսված է հանդիպում ՊՆ ղեկավարի հետ, ինչպես նաև օրակարգային մի շարք այլ հանդիպումներ:
Հանդիպումներն անցնում են արդյունավետ, և վերադառնալուն պես՝ սահմանված կարգով հանրությանը կներկայացնենք մեր իրականացրած աշխատանքերն ու հավաքագրված տեղեկատվությունը»:
ՀՀ ԱԺ Բարգավաճ Հայաստան խմբակցության պատգամավոր Վահե Էնֆիաջյան
