Բիձինա Իվանիշվիլին ապրիլի 23-ին ելույթ է ունենալու ԵԽԽՎ-ի նստաշրջանում
Грузия Online-ի փոխանցմամբ՝ Վրաստանի վարչապետ Բիձինա Իվանիշվիլին ապրիլի 23-ին ելույթ է ունենալու ԵԽԽՎ-ի առջև: Ենթադրվում է, որ Իվանիշվիլին երկօրյա այցով Ստրասբուրգ կմեկնի ապրիլի 22-ին:
ԵԽԽՎ առաջիկա նստաշրջանում Վրաստանի վարչապետի մասնակցության մասին հայտնի դարձավ մարտի 16-ին: Ստրասբուրգից վերադարձած Թինա Խիդաշելին, ով հանդիսանում է Վրաստանի խորհրդարանական մեծամասնության առաջնորդներից, հայտարարել է, որ Բիձինա Իվանիշվիլին Ստրասբուրգում անցկացնելու է մի շարք երկկողմ հանդիպումներ:
